Qazaqstandyq jas tennısshiler álemdik reıtıngte joǵary kóterildi

<p>Halyqaralyq tennıs federatsııasy (ITF) jasóspirimder arasynda jańartylǵan reıtıngti jarııa etti, dep habarlaıdy <a href="Kazinform" target="_blank" rel="noopener">Kazinform</a>.</p>

Qazaqstan tennıs federatsııasynan málim etkenindeı, Mysyrdaǵy týrnırde tabysty óner kórsetken Ámir Omarhanov jekeleı synda birden 42 satyǵa joǵary kóterilip, 57-orynǵa jaıǵasty.

Sondaı-aq Danıal Rahmatýllaev 114-ke (+2), Vıtalıı Zatsepın 154-ke (+16) shyqty. Erasyl Erdildá – 234, Іlııas Maratuly – 244, Zańǵar Nurlanuly 331-satyda tur.

Qyzdar arasynda Asyljan Arystanova kórsetkishin edáýir jaqsartyp, 85-ten 66-ǵa joǵarylady. Aııa Nupbaı – 204, Polına Sleptsova 230-orynda keledi.

Eske sala keteıik, budan buryn Elena Rybakınanyń álemdegi úzdik tennısshi atanýǵa úmitkerler qataryna kirgenin jazǵan bolatynbyz.