ASTANA. KAZINFORM – Qazaqstandyq tennısshi Albına Kákenova 18 jasqa deıingiler arasynda Úndistanda ótken eki ITF Juniors 100 týrnırinde chempıon atandy.
A.Kákenova aldymen taǵy bir qazaqstandyq Sátıma Tóregenmen birge juptyq synda Nıý-Delı dodasynda úzdik shyqty.
Onda qazaqstandyq dýet fınalda reseılikter Ksenııa Ahrameeva – Eva Kolıadınany 6:4, 6:4 esebimen tize búktirdi.
Albına Kákenova jekeleı synda Pýne qalasynda ótken jarysta qarsylas shaq keltirmedi.
Albına senbi kúni sońǵy básekede úndistandyq Dıa Rameshti 6:2, 6:0 esebimen oısyrata utty.
Albına da, Sátıma da 17 jasta.
Eske sala keteıik, budan buryn alǵash ret qazaq tennısshisiniń Maıamı týrnıriniń jartylaı fınalyna shyqqanyn jazǵan bolatynbyz.
Sondaı-aq qazaqstandyq tennısshi Úndistandaǵy jarysta fınalǵa deıin jetti.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).