Qazaqstandyq jas sýretshiler Venetsııa bıennale kórmesinde tájirıbe almasady

<p>ASTANA. KAZINFORM &ndash; Qazaqstandyq 10 jas sýretshi Venetsııada ótetin halyqaralyq sýret óneri kórmesine qatysyp, tájirıbe almasady. Bul týraly Mádenıet jáne aqparat mınıstrligi Mádenıet komıtetiniń tóraǵasy Kúmis Seıitova málim etti.&nbsp;</p>

«Venetsııa bıennale – halyqaralyq iri kórmelerdiń biri. Memleket basshysynyń bıyl qańtarda Italııaǵa sapary barysynda Qazaqstannyń 60-shy venetsııalyq óner bıennalesine qatysýy jóninde ótinim berildi. Osyǵan oraı álemdik deńgeıdegi kórmege ulttyq pavılonymyz uıymdastyrylyp jatyr. Onyń komıssary Mádenıet jáne aqparat mınıstri Aıda Balaeva. Kórme kýratorlary Danagúl Tólepbaı jáne Ánýar Músirepov. Ulttyq pavılonnyń ataýy – «Jeriyq» (Jeruıyq)», - dedi Kúmis Seıitova 60-shy Venetsııa óner bıennalesinde Qazaqstannyń kórmesin uıymdastyrýǵa oraı ótken baspasóz máslıhatynda.

Halyqaralyq kórmege qazaqstandyq tanymal sýretshilerdiń týyndylary qoıylady. 

«Mınıstrlik joǵary bilim alyp jatqan 10 jas sýretshini tájirıbe almasý maqsatynda qatystyrýdy kózdep otyr. Venetsııa bıennale – halyqaralyq kórmesi 2024 jyly 20 sáýirde resmı ashylady jáne oǵan 90 memleketten sýretshiler qatysady», - deıdi komıtet basshysy. 

Sondaı-aq Kúmis Seıitova barlyq shyǵyndy metsenattar kóteretinin aıtty. 

Buǵan deıin qazaqstandyq sýretshilerdiń týyndysy Venetsııa bıennale kórmesine qoıylatyny týraly habarlaǵan edik.