ASTANA. KAZINFORM – Túrkııanyń Alanııa qalasynda jasóspirimder arasynda jas erekshelik toptary boıynsha 64 sharshydaǵy doıbydan álem chempıonaty óz máresine jetti.
Qazaqstan doıby federatsııasynan málim etkenindeı, buǵan deıin blıts pen rapıdten aldyna jan salmaǵan BQO ókili Altynaı Samatova sońǵy klassıkalyq baǵdarlamada óziniń úshinshi altynyn jeńip alyp, 11 jasqa deıingi sanatta absolıýtti álem chempıony atandy.
Sondaı-aq klassıkadan stýdentter arasynda taǵy bir batysqazaqstandyq Ánel Dáýletova kúmis júldeni jeńip aldy.
Jasóspirimdermen qatar ardagerler arasynda 64 sharshydaǵy doıbydan álem chempıonaty da ótti. 50 jastan asqan ardagerler arasynda Túrkistan oblysynyń ókili Baýyrjan Berdibaev klassıka boıynsha qola medalǵa ıe boldy.
Áıelder arasynda klassıkadan 50 jastan asqandar arasynan qaraǵandylyq Manara Ábeýbekova ekinshi orynnan kórindi.
Eske sala keteıik, budan buryn qazaqstandyq doıbyshynyń jetinshi ret álem chempıony atanǵanyn jazǵan edik.
Budan eki jyl buryn da Altynaı Samatova 9 jasqa deıingiler arasynda absolıýtti jeńimpaz atanǵan bolatyn.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).