Qazaqstandyq ıÝsýf Matsıev Azııa chempıonatynyń kúmis júldegeri atandy

<p>ASTANA. KAZINFORM &ndash; Qazaqstandyq balýan ıÝsýf Matsıev Qyrǵyzstan astanasy Bishkek qalasynda kúres túrlerinen ótip jatqan Azııa chempıonatynda kúmis júldege qol jetkizdi. 97 kelige deıingi salmaq dárejesinde synǵa túsken ıÝsýf Matsıev fınalda ırandyq Mohammadhadı Saravıden jeńildi. Irandyq balýan 9:0 esebimen merziminen buryn jeńiske jetti.</p>

Osylaısha, Matsıev eresekter arasyndaǵy Azııa birinshiliginde alǵash ret júldege iligip otyr. 

Búgin sonymen qatar taǵy tórt balýanymyz synǵa túsken bolatyn. Ókinishke qaraı eki balýanymyz jartylaı fınalǵa deıin jetkenimen joldary bolmady. Qola medal úshin talasta qarsylastaryna jol berip, saryqurlyq dodasyn júldesiz aıaqtady.

72 keli salmaqta qola júldege kúresken Ádilhan Sataev qytaılyq balýanǵa ese jiberse, 63 kelidegi Ǵalym Qabdýnasarov ta qola medal úshin tartysta utylyp qaldy.

Sonymen grek-rım kúresinen Qazaqstan quramasy Azııa birinshiligin 1 altyn, 2 kúmis, 1 qola medalmen aıaqtady.

Naqtylap aıtsaq, 63 keli salmaqta el namysyn qorǵaǵan otandasymyz fınalda japonııalyq Aıata Sýzýkıdi jeńip, jeńis tuǵyrynyń eń bıik satysynan kórinse, 87 keli salmaqta synǵa túsken balýanymyz Nursultan Tursynov el qorjynyna kúmis júlde syılady.

Al taǵy bir júldeni 77 keli salmaq dárejesinde beldesken sportshymyz Ibragım Magomadov jeńip aldy. Ol qola medal úshin beldesýde Iran balýanyn jarys jolynan taıdyrdy.