Qazaqstandyq velosportshylar Parıj Olımpıadasyna taǵy úsh lıtsenzııa jeńip aldy

<p><strong>Búgin shossedegi velosporttyń irikteý kezeńi aıaqtaldy, dep habarlaıdy&nbsp;</strong><strong><a href="https://prosports.kz/cycling" target="_blank" rel="noopener">Prosports.kz.</a>&nbsp;</strong></p>

Jarys qorytyndysy boıynsha Qazaqstan UCI ulttyq reıtıngisinde 19-orynda tur. Bul bizge erler arasyndaǵy olımpıadalyq toptyq jarysqa eki tikeleı joldama, sonymen qatar jeke ýaqyt boıynsha bir joldama syılady. Degenmen, bizde buǵan deıin bir lıtsenzııa boldy. Ony Gleb Brýsenskıı 2023 jyly Azııa chempıonatynda top jaryp, jeńip alǵan edi. Osylaısha, bul oryn UCI reıtıngi boıynsha irikteýden óte almaǵan basqa elge beriledi.

Aıta keteıik, elge mańyzdy upaıdy Alekseı Lýtsenko, Evgenıı Fedorov, Gleb Brýsenskıı, Danııl Marýhın, Anton Kýzmın, Dmıtrıı Grýzdev, Evgenıı Gıdıch jáne Andreı Zeıts syılady. Tokıo Olımpıadasynda bizde shossedegi velosportta tórt lıtsenzııa bolǵan, biraq Parıjde ótetin aldaǵy oıyndarda reıtıngilik kvotalar qysqartylǵan edi.

Qazaqstan 2008 jyldan beri alǵash ret áıelder arasyndaǵy toptyq jarysta Olımpıadaǵa qatysady. Rınata Sultanova, Mahabbat Úmitjanova, Faına Potapova, Marına Kýzmına jáne Angela Soloveva birigip, bir lıtsenzııaǵa qol jetkizdi. Ókinishke qaraı, reıtıng boıynsha jekeleı jarysqa ótýge múmkin bolmaı tur. 

Esterińizge sala keteıik, buǵan deıin 2008 jyly Beıjińde ótken Olımpıadada toptyq jáne jekeleı jarysta Zúlfııa Zabırova óner kórsetken bolatyn.

Aıta keteıik, trektegi velosport pen maýntınbaıktan irikteý kezeńi kelesi jyldyń jazynda aıaqtalady.