ASTANA. KAZINFORM - Serbııanyń Nısh qalasynda ótip jatqan áıelder arasyndaǵy álem chempıonatynda Alýa Balqybekova (50 keli) fınalǵa joldama aldy.
Qazaqstandyq boksshy jartylaı fınalda Soltústik Koreıa ókili An Kým Belmen qolǵap túıistirdi. Birinshi jáne ekinshi raýndta tóreshiler Alýanyń jeńgenine qoldaý bildirdi.
Alýa Balqybekova álem chempıonatynda 2022 jyly kúmis, 2023 jyly qola aldy.
Eske salsaq, budan buryn el quramasynan Vıktorııa Grafeeva (60 keli), Nazym Qyzaıbaı (48 keli) fınalǵa joldama aldy.
Endi el quramasynan Aıda Ábikeeva (63 keli), Natalıa Bogdanova (70 keli), Eldana Tálipova (81 keliden joǵary) synǵa túsedi.
Shırek fınalda Jaına Shekerbekova (54 keli), Jasmın Qızatova (66 keli), Karına Ibragımova (57 keli), Nadejda Rıabets (75 keli) jarysty aıaqtady.
Sondaı-aq oǵan deıin Anıta Adısheva (52 keli), Gúlsaıa Erjan (81 keli) qarsylastaryna ese jiberdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.