Qazaqstandyq tórt tennısshi Ýımbldon týrnıriniń irikteý satysynda baq synaıdy
Jyldyń úshinshi «Úlken dýlyǵa» jarysynyń irikteý satysynda tórt birdeı qazaqstandyq tennısshi baq synaıdy.
Álemniń 132-raketkasy Mıhaıl Kýkýshkın irikteýdiń shırek fınalynda reıtıngide 278-orynda turǵan ýkraınalyq Vıtalıı Sachkodan ótýge tyrysady.
Álemniń 163-raketkasy Denıs Evseevtiń qarsylasy – reıtıngide 171-satydaǵy frantsııalyq Matteo Martıno.
Reıtıngide 208-oryndaǵy Beıbit Juqaev álemniń 154-raketkasy, aýstralııalyq ıÝrıı Rodıonovpen sheberlik baıqasady.
Taǵy bir qazaqstandyq, 229-oryndaǵy Tımofeı Skatov álemniń 158-raketkasy, ıtalııalyq Andrea Pellegrınomen synǵa túsedi.
Germanııadaǵy Galle ATP 500 týrnırinde ótken jylǵy upaıyn qorǵaı almaǵan Qazaqstannyń birinshi raketkasy Aleksandr Býblık búgin jańartylǵan reıtıngide 17-orynnan 23-ke syrǵydy. Osy aptada ol Istbýrn (Ulybrıtanııa) ATP 250 jarysynda 3-raketka bolyp tirkelgendikten, dodany ekinshi aınalymnan bastaıdy.
Dúnıejúzilik reıtıngide 58-ornyn saqtap qalǵan Aleksandr Shevchenko Malorka (Ispanııa) ATP 250 týrnıriniń alǵashqy aınalymynda reıtıngide 91-satydaǵy frantsııalyq Konstan Lestenmen oınaıdy.
A.Býblık te, A.Shevchenko da Ýımbldonda negizgi jarysqa qatysady.
Eske sala keteıik, budan buryn ıÝlııa Pýtıntsevanyń alǵash ret Ulybrıtanııadaǵy týrnırde top jarǵanyn jazǵan bolatynbyz.
Sondaı-aq ıÝlııa Pýtıntseva álemdik reıtıngide 34-orynǵa kóterildi.