Qazaqstandyq tóreshi ústel tennısinen Azııa chempıonatynda tórelik etedi

<p><strong>ASTANA. KAZINFORM &ndash; 30 maýsym jáne 6 shilde aralyǵynda Chýntsın qalasynda (Qytaı) ústel tennısinen jasóspirimder arasyndaǵy Azııa chempıonaty ótedi. Atalǵan týrnırde qazaqstandyq tóreshi tórelik etedi.&nbsp;</strong></p>

Ulttyq Olımpıada komıtetiniń habarlaýynsha, Azııa ústel tennısi Odaǵynyń tóreshileri jáne tóreshiler komıteti halyqaralyq sanattaǵy sýdıa Tımýr Hodjaevtyń (Qaraǵandy) kandıdatýrasyn bekitken jáne ol jasóspirimder arasyndaǵy Azııa chempıonatyna tórelik etedi. 

Tımýr Hodjaev «TTF Grand Finals Astana 2017» shırek fınalynyń, «ITTF Kazakhstan International Open Karaganda 2021», «WTT Contender Almaty 2022», «WTT Youth Contender Linz 2023» fınaldyq oıyndarynyń jetekshi tóreshisi, 2018 jyldan bastap Qazaqstan Respýblıkasynyń ashyq komandalyq chempıonatynyń uıymdastyrý komıtetiniń dırektory.

Qazirgi ýaqytta Tımýr Hodjaev «Blue Badgein Progress» aralyq tóreshiler sanatyna ıe.