Elena Rybakına bastaǵan el tennısshileriniń álemdik reıtıngtegi orny belgili boldy

<p>Áıelder tennısi qaýymdastyǵy (WTA) jańartylǵan álemdik reıtıngti jarııa etti, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Álemdik reıtıngte kósh basyndaǵylar ózgerissiz qaldy, belorýssııalyq Arına Sobolenko, Polsha ókili Iga Shventek jáne amerıkalyq Korı Gaýff burynǵysha úzdik úshtikte tur.

Qazaqstannyń birinshi, álemniń 5-raketkasy Elena Rybakına 5-orynda qalsa, ıÝlııa Pýtıntseva 75-ten 68-ge kóterildi.

Beıjiń WTA 1000 týrnıriniń jartylaı fınalynda E.Rybakınany utyp ketken reseılik Lıýdmıla Samsonova 22-den 16-ǵa joǵarylady.

Juptyq synda Anna Danılına 32-inshi, E.Rybakına 116-satyda qalsa, Jibek Qulambaeva 152-den 154-ke syrǵydy.

Elena Rybakına endi Meksıkanyń Kankýn qalasynda 29 qazan – 5 qarasha aralyǵynda ótetin WTA-nyń qorytyndy týrnırine daıyndalatyn bolady.

ıÝlııa Pýtıntseva búgin Gonkong WTA 250 jarysynyń alǵashqy aınalymynda reseılik Anna Blınkovamen oınaıdy.

Eske sala keteıik, budan buryn Elena Rybakınanyń Beıjiń týrnıriniń fınalyna shyǵa almaǵanyn jazǵan edik.