ASTANA. KAZINFORM — Qazaqstandyqtar Asyljan Arystanbekova men Іńkár Dúısebaı juptyq synda Antalııa (Túrkııa) ITF W15 týrnırin sátti bastady.
Jarystyń 4-raketkalary bolyp tirkelgen qazaqstandyq jup bastapqy kezdesýinde ýkraınalyq apaly-sińlili Serafıma — Sofııa Vasılevany 6:0, 6:0 esebimen tas-talqan etip utty.
A.Arystanbekova — І.Dúısebaı jartylaı fınalǵa shyǵý úshin majarstandyq Melında Bıro — aýstrııalyq Klaýdıa Gasparovıchpen talasady.
Taǵy bir qazaqstandyq dýet Amıra Qaztýǵan — ıAna Kım alǵashqy aınalymda túrkııalyqtar Mınel Naz Kaınak — Zeınep Polatqa jol berdi — 2:6, 0:6.
Jekeleı synda irikteý saıystarynda alty qazaqstandyq tennısshiniń arasynan A.Arystanbekova ǵana fınaldyq básekege deıin jetti. Biraq irikteýdiń fınalynda ol marokkolyq Aıe El Aýnıge ese jiberdi — 2:6, 1:6. Soǵan qaramastan, qazaqstandyq tennısshi negizgi jarysqa joldama aldy. Onda bastapqy aınalymda japonııalyq Nanarı Katsýmımen sheberlik talastyrady.
Eske sala keteıik, budan buryn tennısshi Arýjan Saǵyndyqovanyń Úndistandaǵy jarysta qarsylasyn oısyrata utqanyn jazǵan edik.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).