ASTANA. KAZINFORM — Qazaqstandyqtar Іńkár Dúısebaı men Sátıma Tóregen juptyq synda Shymkent ITF W15 týrnıriniń fınalyna ótti.
Іńkár 18-de, Sátıma 16-da bolǵanyna qaramastan, jas tennısshiler jarys barysynda úsh kezdesýdi de sátti ótkizdi.
І.Dúısebaı – S.Tóregen jartylaı fınalda jarystyń 4-raketkalary, taǵy bir qazaqstandyq Arýjan Saǵyndyqova men reseılik Elına Neplıımen synǵa tústi.
Matchtyń favorıtteri qazaqstandyq-reseılik dýet sanalǵanymen, Іńkár men Sátıma kambek jasap, sýper taı-breıkte jeńisti julyp aldy – 2:6, 6:3, 11:9. Báseke saǵat jarymǵa jýyq ýaqytqa sozyldy.
Іńkár Dúısebaı – Sátıma Tóregenniń fınaldaǵy qarsylastary keıin anyqtalady.
Taǵy bir qazaqstandyq jup, 17 jastaǵy Ámir Omarhanov pen Damır Jalǵasbaı jartylaı fınalda germanııalyq Adrıan Ottsbah – belgııalyq Martın Van der Mershenge jol berdi – 2:6, 4:6.
Eske sala keteıik, budan buryn Aleksandr Býblıktiń Madrıd masters týrnırinde ekinshi jeńisine qol jetkizgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).