Qazaqstandyq tennısshiler ITF týrnırlerinde chempıondyq ataq úshin talasady

<p>ASTANA. KAZINFORM &ndash; Qazaqstandyqtar Sandýǵash Kenjebaeva men Arýjan Saǵyndyqova juptyq synda Túrkııa men Týnıste ótip jatqan ITF W15 týrnırleriniń fınalyna shyqty.</p>

Antalııadaǵy jarystyń 2-raketkasy bolyp tirkelgen 19 jastaǵy S.Kenjebaeva men túrkııalyq Ilaı Iorýk úsh kezdesýdi sátti ótkizdi.

Qazaqstandyq-túrkııalyq jup aldymen rýmynııalyq Elena Bertea – slovakııalyq Laýra Sılekovany 1:6, 6:4, 10:7 esebimen tize búktirdi. 

Shırek fınalda qazaqstandyq Asyljan Arystanbekova – reseılik Darıa Shadchnevadan aılasyn asyrdy — 6:3, 6:4.

Jartylaı fınalda S.Kenjebaeva – I.Iorýk tartysty matchta qazaqstandyqtar Іńkár Dúısebaı – Anastasııa Krymkovany jeńdi – 3:6, 6:3, 10:6. 

Qazaqstandyq-túrkııalyq dýet senbi kúni fınalda dodanyń 1-raketkalary, germanııalyq Mına Hodjıch – shveıtsarııalyq Marı Mettraýkspen bas júldeni sarapqa salady. 

Jıyrma jastaǵy A.Saǵyndyqova Monastırdegi (Týnıs) osyndaı týrnırde reseılik Marııa Golovınamen birge fınalǵa deıin jetti. 

Qazaqstandyq-reseılik tandem favorıt bolyp sanalmasa da, tabysty óner kórsete bildi. Olar áýeli reseılik Ýstınıa Lıkomtseva – moldovalyq Eva Zabolotnaıany joldan taıdyrdy – 5:7, 6:4, 10:2. 

Sodan keıin frantsııalyqtar Laıa Petretıch – Nına Radovanovıch qapy qaldyrdy – 6:2, 6:4. 
Al jartylaı fınalda jarystyń 2-raketkalary, nıderlandylyq Madelef Hageman – rýmynııalyq Andreıa Prıshakarıýdan basym tústi – 6:0, 7:6 (7:4).

Arýjan Saǵyndyqova – Marııa Golovına sońǵy básekede slovenııalyq Zıva Folkner – serbııalyq Elena Mılovanovıchpen synǵa túsedi. Bul match ta 11 qańtarǵa belgilengen. 

Dúnıejúzilik reıtıngide 973-orynda turǵan Arýjan jekeleı synda shırek fınalǵa deıin jetip, onda álemniń 535-raketkasy, germanııalyq Lara Shmıdtke jol berdi – 4:6, 5:7. 

Eske sala keteıik, budan buryn ıÝlııa Pýtıntsevanyń Adelaıdada jarystyń 1-raketkasymen oınaǵanyn jazǵan bolatynbyz.