Qazaqstandyq tennısshiler Frantsııadaǵy jarystyń shırek fınalyna ótti

<p>ASTANA. KAZINFORM — Qazaqstandyqtar Aleksandr Býblık pen Aleksandr Shevchenko juptyq synda Monpele (Frantsııa) ATP 250 týrnıriniń shırek fınalyna ótti.</p>

Bul — Aleksandr Shevchenkonyń Qazaqstan atynan alǵash ret óner kórsetýi edi.

Qos Aleksandr alǵashqy aınalymda amerıkalyqtar Evan Kıng — Rız Stalderge qarsy keldi.

Birinshi partııa 6:4 esebimen qazaqstandyqtardyń paıdasyna sheshildi. Olar ekinshi sette de 3:1 esebimen alǵa ketti.

Aqyry matchty taǵy bir breıkpen túıindedi — 6:3.

Bir saǵatqa jetpeıtin ýaqyt ishinde qazaqstandyq dýet 5 eıspen birge 9 breık-poınttyń tórteýin paıdalandy.

Amerıkalyq jup 2 eıs, 1 breıkten (8 breık-poınt) asa alǵan joq.

Býblık — Shevchenkonyń shırek fınaldaǵy qarsylastary keıin anyqtalady.

A.Býblık jekeleı synda atalmysh jarystyń 2-raketkasy bolyp tirkelgen. Shevchenko men Býblık aldaǵy básekesin sátti ótkizse, Monpele dodasynyń shırek fınalynda ózara kezdesedi.

Eske sala keteıik, budan buryn Aýstralııa chempıonatynda Elena Rybakınanyń matchy úzdikter qataryna engenin jazǵan edik.

Sondaı-aq jas tennısshi Ámir Omarhanov álemdik reıtıngide rekordtyq kórsetkishke qol jetkizdi.