Qazaqstandyq tennısshiler Frantsııa chempıonatynda serbııalyq jupty utty

<p>PARIJ. KAZINFORM &ndash; Qazaqstandyqtar Aleksandr Býblık pen Aleksandr Shevchenko juptyq synda Frantsııa ashyq chempıonatynyń ekinshi aınalymyna shyqty.</p>

Qazaqstandyq jup Rolan Garrostyń alǵashqy aınalymynda serbııalyqtar Mıomır Ketsmanovıch – Dýshan Laıovıchty joldan taıdyrdy.

Birinshi partııada qos Aleksandr 6:4 esebimen basymdylyq tanytsa, ekinshisinde serbııalyq dýet ese qaıyrdy – 6:1.

Úshinshi, sheshýshi sette Býblık – Shevchenko jeńisti julyp aldy – 6:3. Bir saǵat 37 mınýtqa sozylǵan báseke barysynda ekeýi 2 eıs, 19 breık-poınttyń jeteýin paıdalandy. Serbııalyq jup ta 2 eıs, 7 breıkpen (17 breık-poınt) kózge tústi.

Aleksandr Býblık – Aleksandr Shevchenko úshinshi aınalymǵa ótý úshin dodanyń 8-raketkalary, argentınalyqtar Maksımo Gonsales – Andres Moltenımen sheberlik talastyrady.

Budan buryn Býblık pen Shevchenko jekeleı synda ekinshi aınalymda-aq jarystan shyǵyp qalǵan edi.

Eske sala keteıik, budan buryn Aleksandr Nedovesovtiń Rolan Garros týrnıriniń ekinshi aınalymyna shyqqanyn jazǵan edik.