Qazaqstandyq tennısshiler Dýbaı ATP 500 týrnırinde baq synaıdy

<p>ASTANA. KAZINFORM &ndash; 26 aqpan &ndash; 3 naýryz aralyǵynda Dýbaıda (BAÁ) ATP 500 sanatyndaǵy týrnır ótedi.</p>

Qazaqstannyń ekinshi, álemniń 45-raketkasy Aleksandr Shevchenkoǵa qıyn qarsylas tap boldy.
A.Shevchenko alǵashqy aınalymda álemniń tórtinshi, osy jarystyń 1-raketkasy, reseılik Danııl Medvedevpen sheberlik baıqasady.

Bul reseılik tennısshiniń bıylǵy Aýstralııa ashyq chempıonatynyń fınalynan keıingi alǵashqy kezdesýi bolmaq.

Qazaqstannyń birinshi, álemniń 21-raketkasy Aleksandr Býblık irikteý saıysy jeńimpazdarynyń birimen kortqa shyǵady.

Ótken jyly Dýbaıda otandasy Andreı Rýblevti fınalda utqan D.Medvedev chempıon bolǵan edi. 

Jarystyń júlde qory 2,9 mln AQSh dollaryna baǵalanyp otyr.

Eske sala keteıik, budan buryn Dmıtrıı Popkonyń Florıda shtatynda qatarynan úshinshi ret fınalǵa ótkenin jazǵan bolatynbyz.