Qazaqstandyq tennısshiler Devıs kýbogynyń alǵashqy oıyn kúninde jeńilip qaldy

<p>ASTANA. KAZINFORM - Astanada Qazaqstan men Danııa quramalary arasynda Devıs Kýbogyndaǵy alǵashqy oıyn kúniniń nátıjesi belgili boldy.</p>

14 qyrkúıekte ótken birinshi oıynda elimizdiń erler quramasynan Aleksandr Býblık Elmer Mellerge jeńilip qaldy. Esep - 6:1, 2:6, 2:6.

Ekinshi kezdesýde el quramasynan Aleksandr Shevchenko Avgýst Holmgrenge 6:7, 3:6 esebimen ese jiberdi. 

Endi qalǵan úsh oıyn 15 qyrkúıekte ótkiziledi. Aldymen juptyq synda Aleksandr Nedovesov pen Beıbit Juqaev Iohannes Ingıldsen men Krıstıan Sıgsgaardpen kezdesedi. 

Sodan keıin Aleksandr Býblık Avgýst Holmgrenmen sheberlik baıqassa, Aleksandr Shevchenkoǵa Elmer Meller qarsylas bolady.

Aıta ketsek, Qazaqstan men Danııa kezdesýinde jeńimpaz bolǵan qurama 2025 jyly aqpanda ótetin komandalyq álem chempıonatynyń irikteý kezeńine joldama alady.