Qazaqstandyq tennısshi Túrkııadaǵy týrnırdiń jartylaı fınalyna shyqty

<p>ASTANA. KAZINFORM &ndash; Qazaqstandyq, 17 jastaǵy Sonıa Jıenbaeva juptyq synda Antalııa (Túrkııa) ITF týrnıriniń jartylaı fınalyna shyqty.</p>

S.Jıenbaeva majarstandyq Amarıssa Kıara Totpen birge eki kezdesýin jeńispen támamdady.
Qazaqstandyq-majarstandyq jup aldymen shveıtsarııalyq Fıona Gants – Alına Granverdi 6:2, 7:5 esebimen tize búktirdi.

Sodan keıin marokkolyq Aıa El-Aýnı – ýkraınalyq Darıa Esypchýkti tartysty matchta joldan taıdyrdy – 7:5, 4:6, 11:9.

Qazaqstandyq-majarstandyq dýet fınalǵa shyǵý úshin japonııalyqtar Maıýka Aıkava – Fýna Kozakımen talasady.

S.Jıenbaeva osy jarysta jekeleı synda alǵashqy aınalymda túrkııalyq Ilaı Iorýkti asa tartysty básekede 6:3, 6:7 (8:10), 6:2 esebimen jeńgen edi. Alaıda ekinshi aınalymda M.Aıkavaǵa 2:6, 4:6 esebimen jol berip, shırek fınalǵa shyǵa almaı qaldy.

Eske sala keteıik, budan buryn Sonıa Jıenbaevanyń Qazaqstan azamattyǵyn alǵanyn jazǵan bolatynbyz.

Sondaı-aq Monpele týrnıriniń shırek fınalynda qos qazaqstandyq tennısshi kezdesedi.