Qazaqstandyq tennısshi Mysyrdaǵy jarystyń jeńimpazy atandy

<p>Qazaqstandyq Grıgorıı Lomakın juptyq synda Sharm-el-Sheıh (Mysyr) ITF týrnıriniń jeńimpazy atandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jarystyń 1-raketkalary G.Lomakın men reseılik Evgenıı Fılıppov fınalda ıtalııalyq Tomasso Kompanýchchı – serbııalyq Vıktor Iovıchpen bas júlde úshin synǵa tústi.

Italııalyq-serbııalyq dýettiń dodanyń 2-raketkalary bolyp tirkelgenine qaramastan, oıyn taǵdyry eki sette sheshildi.

Qazaqstandyq-reseılik jup qarsylastaryn 6:2, 7:5 esebimen tize búktirdi.

Osylaısha, 25 jastaǵy qazaqstandyq tennısshi atalmysh týrnırde juptyq synda úzdik shyqty. Sonyń nátıjesinde G.Lomakın ATP Live juptyq reıtıngisinde 321-den 316-satyǵa kóterilip tur.

Eske sala keteıik, budan buryn qazaqstandyq tennısshiniń Mysyrdaǵy týrnırdiń fınalyna shyqqanyn jazǵan bolatynbyz.

Sondaı-aq qazaqstandyq jas tennısshiler Taılandtaǵy týrnırdiń chempıony atandy.