Qazaqstandyq tennısshi Mysyrdaǵy jarystyń jartylaı fınalyna shyqty

<p>Qazaqstandyq Grıgorıı Lomakın juptyq synda Sharm-el-Sheıh (Mysyr) ITF týrnıriniń jartylaı fınalyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jarystyń 2-raketkasy bolyp tirkelgen G.Lomakın reseılik Evgenıı Fılıppovpen birge shırek fınalda mysyrlyq Akram El-Sallalı - nıderlandylyq Mett Rotcherrıngpen sheberlik baıqasty.

Qazaqstandyq-reseılik jup 6:4, 7:6 (7:3) esebimen jeńiske jetti.

G.Lomakın - E.Fılıppov fınalǵa shyǵý úshin slovakııalyq Fılıp Kroslak - slovenııalyq ıAn Kýksıspen talasady.

Taǵy bir qazaqstandyq, dúnıejúzilik reıtıngte 197-orynda turǵan Denıs Evseev Maııa (Portýgalııa) chellendjer jarysynyń ekinshi aınalymynda álemniń 159-ynshy, dodanyń 5-raketkasy, shvetsııalyq Elıas Imerge 2 saǵat 42 mınýtqa sozylǵan tartysty matchta ese jiberdi - 4:6, 7:6 (9:7), 3:6.

Sondaı-aq Arýjan Saǵyndyqova Monastır (Týnıs) ITF týrnırinde grekııalyq Andrea Prısakarıýǵa jol berip, shırek fınalǵa shyǵa almady - 2:6, 6:4, 0:6.

Eske sala keteıik, budan buryn Denıs Evseevtiń Portýgalııadaǵy týrnırdi jeńispen bastaǵanyn jazǵan bolatynbyz.

Sonymen qatar Arýjan Saǵyndyqova Týnıstegi týrnırdiń ekinshi aınalymyna ótti.