Qazaqstandyq tennısshi Mysyrdaǵy jarystyń jartylaı fınalyna ótti

<p>ASTANA. KAZINFORM &mdash; Qazaqstandyq tennısshi Sandýǵash Kenjebaeva juptyq synda Sharm-el-Sheıh (Mysyr) ITF W15 týrnıriniń jartylaı fınalyna joldama aldy.</p>

Jarystyń 3-raketkasy bolyp tirkelgen Sandýǵash Kenjebaeva chehııalyq Ivana Sebestovamen birge shırek fınalda reseılik Polına Kaıbekova – grýzııalyq Zozııa Kardavany joldan taıdyrdy.

Qazaqstandyq-chehııalyq dýet 6:4, 7:5 esebimen jeńiske jetti.

S.Kenjebaeva – I.Sebestova fınalǵa shyǵý úshin nıderlandylyqtar Lýs Ebelıng Konıng – Sara Van Emstpen sheberlik talastyrady.

Osy jarysta óner kórsetken Asyljan Arystanbekova – Arýjan Saǵyndyqova shırek fınalda reseılikter Sofıa Gapankova men Ksenııa Ershke jol berdi – 5:7, 2:6.

Taǵy bir qazaqstandyq, reıtıngide 332-oryndaǵy Jibek Qulambaeva Lozadaǵy (Portýgalııa) ITF W35 týrnıriniń ekinshi aınalymynda álemniń 274-raketkasy, aýstralııalyq Tına Smıtten (4:6, 1:6) jeńilis taýyp, shırek fınaldan tys qaldy.

Eske sala keteıik, budan buryn qazaqstandyq tennısshilerdiń Mysyrdaǵy týrnırdiń shırek fınalyna shyqqanyn jazǵan bolatynbyz.