Qazaqstandyq tennısshi Mysyrdaǵy týrnırdiń jartylaı fınalyna shyǵa almady

<p>Qazaqstandyq Grıgorıı Lomakın Sharm-el-Sheıh (Mysyr) ITF týrnıriniń jartylaı fınalyna shyǵa almady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Álemniń 794-raketkasy G.Lomakın shırek fınalda dúnıejúzilik reıtıngte ózinen bir saty joǵary turǵan ońtústikafrıkalyq Alek Bleklımen tartysty kezdesý ótkizdi.

Matchty jaqsy bastaǵan qazaqstandyq tennısshi birinshi partııany óz esebine jazdy – 7:5. Alaıda sol qarqynyn jalǵastyra almaı, qarsylasyna ese jiberdi – 3:6, 0:6.

Ońtústikafrıkalyq sportshy fınalǵa shyǵý úshin álemniń 363-inshi, jarystyń 2-raketkasy, ıtalııalyq Samýel Vınsent-Rýgerımen talasady.

Eske sala keteıik, budan buryn Anna Danılınanyń Frantsııadaǵy jarys jolynan shyǵyp qalǵanyn jazǵan bolatynbyz.