Qazaqstandyq tennısshi Ispanııadaǵy jarystyń 1/8 fınalyna shyqty
18:56, 24 Maýsym 2024
<p>ASTANA. KAZINFORM – Qazaqstannyń ekinshi, álemniń 58-raketkasy Aleksandr Shevchenko Malorka (Ispanııa) ATP 250 týrnıriniń ekinshi aınalymyna shyqty.</p>
Qazaqstandyq tennısshi alǵashqy aınalymda dúnıejúzilik reıtıngide 90-satydaǵy frantsııalyq Konstan Lestennen aılasyn asyrdy.
A.Shevchenko birinshi partııada 7:5 esebimen basym tússe, ekinshisinde taı-breıkte jeńisti ilip áketti – 7:6 (7:5).
Bir saǵat 40 mınýtqa sozylǵan tartysty matchta Shevchenko 10 eıs jasap, 6 breık-poınttyń teń jartysyn óz esebine jazdy. Eıspen kózge túspegen Lestenn 5 breık-poınttyń ekeýin ǵana paıdalandy.
Aleksandr Shevchenko shırek fınalǵa shyǵý úshin álemniń 24-raketkasy, Chılı ókili Alehandro Tabılomen talasady.
Eske sala keteıik, budan buryn Mıhaıl Kýkýshkınniń Ýımbldon týrnıriniń irikteý saıysyn sátti bastaǵanyn jazǵan bolatynbyz.