Qazaqstandyq tennısshi Ispanııadaǵy týrnırde alǵashqy jeńisine qol jetkizdi

<p>Qazaqstandyq, álemniń 184-raketkasy Denıs Evseev Tenerıfe (Ispanııa) chellendjer týrnıriniń irikteý saıysyn sátti bastady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Іrikteý saıysynyń 1-raketkasy bolyp tirkelgen D.Evseev bastapqy kezdesýin ıspanııalyq Kenaı Ortıs Gonsalespen ótkizdi.

Qazaqstandyq tennısshi birinshi partııada 6:3 esebimen basymdyq tanytsa, ekinshisinde tipti bet qaratqan joq – 6:0.

Bir saǵatqa jýyq ýaqytqa sozylǵan matchta Evseev 2 eıs jasap, 10 breık-poınttyń tórteýin óz esebine jazdy. Qarsylasy 2 eıspen ǵana shekteldi.

Denıs Evseev irikteý saıystarynyń fınalynda álemniń 309-raketkasy, túrkııalyq Altýg Chelıkbılek nemese reıtıngide 368-satydaǵy lıtvalyq Vılıýs Gaýbastyń qaı jeńgenimen kezdesedi.

Taǵy bir qazaqstandyq, reıtıngide 262-satydaǵy Mıhaıl Kýkýshkın birden negizgi jarysta baq synaıdy. Onyń qarsylasy – álemniń 255-raketkasy, amerıkalyq Martın Damm.

Eske sala keteıik, budan buryn Aýstralııa ashyq chempıonatynda qazaqstandyq tennısshilerdiń qarsylastary kimder ekenin jazǵan bolatynbyz.