Qazaqstandyq tennısshi Ispanııada negizgi jarysqa joldama aldy

<p>TENERIFE. KAZINFORM — Qazaqstandyq, álemniń 184-raketkasy Denıs Evseev Tenerıfe (Ispanııa) chellendjer týrnırine joldama aldy.</p>

Qazaqstandyq tennısshi irikteý saıystarynyń fınalynda dúnıejúzilik reıtıngide 373-orynda turǵan lıtvalyq Vılıýs Gaýbaspen sheberlik baıqasty.

D.Evseev qarsylasyn 6:3, 6:2 esebimen tize búktirdi.

1 saǵat 14 mınýtqa sozylǵan matchta ol 1 eıspen birge 9 breık-poınttyń tórteýin óz esebine jazdy. V.Gaýbas 3 eıspen shekteldi.

Osylaısha negizgi jarysqa joldama alǵan Denıs Evseevtiń kelesi qarsylasy keıin anyqtalady.

Eske sala keteıik, budan buryn ıÝlııa Pýtıntsevanyń Aýstralııa ashyq chempıonatynyń alǵashqy aınalymynan asa almaǵanyn jazǵan bolatynbyz.