Qazaqstandyq tennısshi Evseev Ispanııadaǵy týrnırdiń ekinshi aınalymyna shyqty

<p>Qazaqstandyq, álemniń 226-raketkasy Denıs Evseev Valensııa (Ispanııa) chellendjer týrnıriniń ekinshi aınalymyna shyqty, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Negizgi jarysqa irikteý saıystarynan keıin qosylǵan qazaqstandyq tennısshi alǵashqy aınalymda dúnıejúzilik reıtıngte 363-orynda turǵan ıspanııalyq Karlos Tabernermen kezdesti.

Eki saǵat 20 mınýtqa sozylǵan tartysty matchta D.Evseev 7:5, 7:6 (7:2) esebimen jeńiske jetti. Ol báseke barysynda 2 eıs jasap, 15 breık-poınttyń altaýyn paıdalandy. K.Taberner 10 breık-poınttyń teń jartysyn múlt jibermedi.

Denıs Evseev shırek fınalǵa shyǵý úshin álemniń 114-inshi, dodanyń 7-raketkasy, taǵy bir ıspanııalyq Pedro Martınespen talasady.

Eske sala keteıik, budan buryn Merýert Kaýkeevanyń tennısten tóreshiniń kúmis belgisine ıe bolǵanyn jazǵan edik.

Sondaı-aq Jibek Qulambaeva Úndistandaǵy týrnırdiń shırek fınalyna shyqty.