Qazaqstandyq tennısshi Belgııadaǵy týrnırdiń shırek fınalyna ótti

<p>ASTANA. KAZINFORM &ndash; Qazaqstannyń juptyq syndaǵy birinshi, álemniń 57-raketkasy Aleksandr Nedovesov Antverpen (Belgııa) ATP 250 týrnıriniń shırek fınalyna shyqty.</p>

Qazaqstandyq tennısshi amerıkalyq Robert Galloveımen birge alǵashqy aınalymda ulybrıtanııalyq Djeımı Marreı – aýstralııalyq Djon Pırsten aılasyn asyrdy.

Birinshi partııada qazaqstandyq-amerıkalyq dýet 7:5 esebimen basym tústi.

Ekinshisinde Marreı – Pırs qarymta qaıyrdy – 6:4. Degenmen sýper taı-breıkte Nedovesov – Galloveı jeńisti julyp aldy.

Eki saǵatqa sozylǵan tartysty básekede Nedovesov – Galloveı 7 eıspen birge 9 breık-poınttyń úsheýin qur jibermedi. Marreı – Pırs 4 eıs, 2 breıkten (9 breık-poınt) asa almady.

Aleksandr Nedovesov – Robert Galloveıdiń shırek fınaldaǵy qarsylastary keıin anyqtalady.

Ótken jyly Antverpende jekeleı synda qazaqstandyq Aleksandr Býblık chempıon atanǵan bolatyn. Bıyl ol jaraqatyna baılanysty Almatydaǵy dál osyndaı dodadan tys qaldy.

Eske sala keteıik, budan buryn Almaty týrnırinde Aleksandr Shevchenkonyń Mıhaıl Kýkýshkındi utqanyn jazǵan bolatynbyz.

Sondaı-aq ıÝlııa Pýtıntseva Qytaıdaǵy jarystyń shırek fınalyna joldama aldy.