Qazaqstandyq tennısshi Argentınadaǵy jarystyń ekinshi aınalymyna shyqty

<p>Álemniń 417-raketkasy Dmıtrıı Popko Býenos-Aıres (Argentına) chellendjer týrnıriniń ekinshi aınalymyna ótti, dep habarlaıdy <a href="Kazinform" target="_blank" rel="noopener">Kazinform.</a></p>

Jarysty irikteý saıystarynan bastaǵan qazaqstandyq tennısshi alǵashqy aınalymda álemniń 366-raketkasy, brazılııalyq Orlando Lýspen oınady. 

Birinshi partııada brazılııalyq sportshy 7:5 esebimen jeńiske jetken. Alaıda ekinshi sette Popko tarazy basyn teńestirdi – 6:4. Sheshýshi úshinshi kezeńde otandasymyz qarsylasyn 6:1 esebimen qıyndyqsyz jeńdi.

2 saǵat 24 mınýtqa sozylǵan tartysty báseke barysynda Dmıtrıı 6 eıs jasap, 15 breık-poınttyń altaýyn múlt jibermedi. 

Endi Popko shırek fınalǵa shyǵý úshin álemniń 327-raketkasy, germanııalyq Tımo Shtoddermen sheberlik baıqasady. 

Eske sala keteıik, budan buryn Aleksandr Býblıktiń jańa jyldaǵy alǵashqy týrnırinde birinshi jeńisine qol jetkizgenin jazǵan bolatynbyz.