Qazaqstandyq sý sporty sheberleri álem chempıonatyna qatysady
04:00, 29 Qańtar 2024
<p>ASTANA. KAZINFORM — Qatar astanasy Doha qalasynda 2-18 aqpan kúnderi sý sporty túrlerinen álem chempıonaty ótedi. Bul — 2024 jylǵy Parıj Olımpıadasynyń sońǵy lıtsenzııalyq týrnıri.</p>
Sý sporty túrlerinen álem chempıonatynda sýǵa júzý, ashyq sýda sýǵa júzý, kórkem júzý, bıikten sýǵa sekirý, sý doby sport túrlerinen júldeler sarapqa salynady.
Sý dobynan Qazaqstan áıelder quramasy aldyn ala irikteý satysynda A tobynda Brazılııa, AQSh jáne Nıderlandpen sheberlik baıqasady.
Sondaı-aq erler quramasy D tobynda Rýmynııa, Italııa jáne Vengrııamen kezdesedi.
Qazirge deıin jazǵy Olımpıadada 2016 jyly sýǵa júzýshi Dmıtrıı Balandın 200 metr qashyqtyqqa brass ádisimen júzýde chempıon atanǵan edi.
Qazaqstandyq sportshylar ázirge dúbirli dodada odan ózge júldege qol jetkize alǵan joq.
Parıj Olımpıadasy 2024 jyldyń 26 shildesi men 11 tamyzy aralǵynda ótedi.