Bul týraly Jibek Joly arnasynyń «Búgin LIVE» stýdııasyna qonaq bolǵan «Talap» KEAQ Tehnıkalyq jáne kásiptik bilim berý júıesin zertteý jáne monıtorıng bóliminiń bas menedjeri málimdedi.
– Sáýir-maýsym aılarynyń arasynda «Talap» kommertsııalyq emes AQ IT sertıfıkattaý júıesiniń resmı provaıderlerimen memorandýmǵa otyrdy. Osy shara aıasynda biz pılottyq joba uıymdastyrdyq. Jobaǵa 5 óńirdiń 5 kolledjinen 75 stýdent qatysty. Olar 2 aı boıy IT quzyrettilikteriniń 1 modýlin tańdap, solardy oqydy. Odan soń biz óńir-óńirdi aralap emtıhan aldyq. Sonyń nátıjesinde 15 stýdent halyqaralyq sertıfıkat ıegerleri atandy, – deıdi Imanǵalı Esimbek.
Stýdentterden bólek, baqylaýshylar da bilimderin halyqaralyq deńgeıde jetildirgen.
– Certiport Pearson jobasyn bastaǵan kezde, olardyń mamandary kelip, «Talap» bazasyndaǵy 5 proktordy arnaıy oqytýdan ótkizip, halyqaralyq proktor sertıfıkatyn berdi, – deıdi menedjer.
Aıta keteıik, Astanada Digital Bridge 2025 halyqaralyq tehnologııalyq forýmy bastaldy.