Qazaqstandyq sportshylar Túrkııada júzýden ótip jatqan jarystyń birinshi kúninde 4 medal jeńip aldy

<p>ASTANA. KAZINFORM &ndash; Sýǵa júzýden Túrkııanyń Edırne qalasynda ótip jatqan básekede qazaqstandyq sportshylar alǵashqy jarys kúni 4 medal jeńip aldy.</p>

Atap aıtsaq, áıelder arasynda 50 metrge brass ádisimen júzýden Adelaıda Pchelıntseva 31.59 ýaqyt kórsetkishimen ekinshi orynǵa turaqtasa, 100 metrlik erkin ádisten Danıela Dıý 56.37 ýaqyt kórsetkishimen kúmis júldeni qanjyǵasyna baılady.

Al erler arasynda 100 metrmen erkin ádis boıynsha júzýden Ádilbek Mýsın jeńis tuǵyrynyń ekinshi satysynan kórinse, áıelder arasynda 50 metrge shalqalap júzýden Ksenııa Ignatova qola medalǵa qol jetkizdi.

Erteńgi jarys kúninde 12 sportshymyz júldege talasady.

Aıta ketsek, atalǵan birinshilikte áıelder arasynda Dıana Tasjanova, Sofııa Spodarenko, Ksenııa Ignatova, Adelaıda Pchelıntseva, Danıela Dıý synǵa tússe, erler arasynda Ádilbek Mýsın, Arsen Qojahmetov, Egor Vasılenko, Maksım Skazovtsov, Danııl Cherepanov, Egor Popov júldege talasady.

Jalpy 3 kúnge jalǵasatyn básekede 453 sportshy baq synaıdy.