Qazaqstandyq sportshylar semserlesýden álem kýboginde qola aldy

<p>ASTANA. KAZINFORM - Semserlesýden Qazaqstan erler quramasy Grýzııa astanasy Tbılısıde ótip jatqan álem kýboginde qola júldeger atandy.&nbsp;</p>

El quramasy jartylaı fınaldyq saıysta Italııadan 45:35 esebimen basym túsip, úzdik úshtikti túıindedi.

Aıta ketsek, atalǵan jarysta elimizdiń erler quramasy 2024 jylǵy Parıj Olımpıadasyna lıtsenzııa aldy,

El quramasy sapynda Rýslan Kýrbanov, Vadım Sharlaımov, Erlik Sertaı, Elmır Álimjanov synǵa tústi. Endi olar Olımpıadada komandalyq synda júldege talasady. Al jekeleı synda 3 sportshy baq synaıdy.

Grýzııadaǵy kezeńde erler quramasy Shvetsııany (45:32), sosyn Germanııany (45:36) jeńip shırek fınalǵa shyqty. Qatar ótken kezdesýde Ońtústik Koreıa quramasy Chehııadan jeńilip, Qazaqstan álem reıtınginde úzdik 4 komandanyń sapynda qaldy.