Qazaqstandyq sportshylar Olımpıadada jeti medal jeńip aldy

<p>PARIJ. KAZINFORM &ndash; Qazaqstandyq sportshylar Frantsııa astanasy Parıj qalasynda ótip jatqan Olımpıada oıyndaryn 1 altyn, 3 kúmis, 3 qola medalmen aıaqtady.</p>

Búgin tórt jyldyq dodanyń sońǵy kúni eki sport túrinen eki sportshymyz saıysqa túsken bolatyn. Ókinishke qaraı, ekeýi de júldeli oryndarǵa qol jetkize almady.

Osylaısha Parıj Olımpıadasy Qazaqstan sportshylary úshin tolyǵymen aıaqtaldy.

Altyn júldeni Olımpıadanyń alǵashqy kúni el qorjynyna dzıýdodan 60 keli salmaqta Eldos Smetov syılaǵan bolatyn.

Al kúmis júldeni sporttyq gımnastıkadan Narıman Qurbanov, grek-rım kúresinen 77 keli salmaqta Demeý Jadyaev jáne bokstan 80 keli salmaqta el namysyn qorǵaǵan Nurbek Oraldaı jeńip aldy.

Qola medaldardy nysana kózdeýden komandalyq jarysta Islam Satpaev pen Aleksandra Le (tapanshamen 10 metrden atý), dzıýdodan 66 keli salmaqta Ǵusman Qyrǵyzbaev jáne áıelder boksynan 51 keli salmaqta el namysyn qorǵaǵan Nazym Qyzaıbaı jeńip aldy. 

Esterińizge sala ketsek, Tokıo Olımpıadasynda Qazaqstan quramasy 8 qola medalmen shektelgen bolatyn.

Generalnyı partner - AO "FNB "Samrýk Kazyna"
Partner - Fond podderjkı sporta Sport Qory