Qazaqstandyq sportshylar nysana kózdeýden álem kýbogyna qatysady

<p>ASTANA. KAZINFORM - Brazılııanyń Rıo-de-Janeıro qalasynda 11-20 sáýir aralyǵynda nysana kózdeýden álem kýbogynyń lıtsenzııalyq kezeńi ótedi.</p>

Álem kýbogynda el namysyn qazaqstandyq 10 sportshy qorǵaıdy. Olardyń qatarynda vıntovkadan Islam Satpaev, Elızaveta Bezrýkova, Aleksandra Le, Arına Altýhova, Nıkıta Shahtorın, Konstantın Malınovskıı synǵa túsedi. Al tapanshadan nysana kózdeýde Valerıı Rahymjan, Eldar Imanqulov, Irına ıÝnýsmetova, Rýslan ıÝnýsmetov jarys jolyna shyǵady.

Ulttyq qurama sportshylary qazir Shymkent qalasynda arnaıy oqý-jattyǵý jıynyn ótkizip jatyr. Lıtsenzııalyq jarysta júldegerler qatarynan kóringen mergender 2024 jylǵy Parıj Olımpıadasyna joldama alady. Al qalǵan joldamalar mamyrda Germanııanyń Mıýnhen qalasyndaǵy álem kýbogynyń kezeńinen keıin olımpıadalyq reıtıng qorytyndysy boıynsha taratylady.

Eske salsaq, budan buryn semserlesýden Qazaqstan erler quramasy Grýzııa astanasy Tbılısıde ótip jatqan álem kýboginde qola júldeger atandy.

Atalǵan jarysta elimizdiń erler quramasy 2024 jylǵy Parıj Olımpıadasyna lıtsenzııa aldy.