ASTANA. KAZINFORM – Ońtústik Koreıanyń Sývon qalasynda ótip jatqan sadaq atýdan Azııa kýboginde Qazaqstan quramasynyń múshesi Ilfat Abdýllın kúmis júldeger atandy, dep jazady Olympic.kz.
Abdýllın klassıkalyq sadaq atýdan qurlyq dodasynyń fınalyna shyǵyp, Ońtústik Koreıa sportshysyna ese jiberdi. Osylaısha, maýsymdaǵy mańyzdy júldelerdiń birine qol jetkizdi.
Odan bólek, bloktyq sadaq atýdan Andreı Tıýtıýn Azııa kýboginde top jaryp, jeńiske jetti.
Aıta ketelik, Ilfat Abdýllın bastaǵan Qazaqstan quramasy sadaq atýdan Parıj Olımpıadsynda óner kórsetedi.
Elmıra Oralbaeva
Abaı atyndaǵy qazaq ulttyq pedagogıkalyq ýnıversıtetiniń túlegi. 2023 jyldan bastap Kazinform halyqaralyq aqparat agenttiginde shyǵarýshy redaktor qyzmetin atqaryp keledi.