Qazaqstandyq sportshy arbadaǵy tennısten halyqaralyq týrnırdiń fınalısi boldy

<p>ASTANA. KAZINFORM &mdash; Grekııanyń Mesın qalasynda arbadaǵy tennısten ITF Wheelchair Tennis Tour týrnıri máresine jetti.</p>

Qazaqstan tennıs federatsııasynan málim etkenindeı, aqtóbelik Janna Úmitqulova óz sporttyq jolynda juptyq synda alǵash ret osyndaı deńgeıdegi jarystyń fınalyna deıin jetti.

Qazaqstandyq sportshy latvııalyq, álemniń 66-raketkasy Dıana Nıkıforovamen birge chempıondyq ataq úshin sońǵy básekede ǵana bolgarııalyq Zoıa Chavdarova — rýmynııalyq Krıstına Deakqa jol berdi — 2:6, 3:6.

Bıylǵy naýryzda Pattaııada (Taıland) arbadaǵy tennısten BNP PARIBAS WORLD TEAM CUP komandalyq álem chempıonatynyń Azııa aımaǵy boıynsha irikteý kezeńi ótken bolatyn. Іrikteý saıysyna alǵash ret Qazaqstan erler jáne áıelder quramalary qatysyp, baq synady.

Qazaqstan tennıs federatsııasy 2022 jyldan beri elimizde arbadaǵy tennısti damytýǵa kúsh salyp keledi. Qysqa merzimde Qazaqstan quramasy jasaqtalyp, olar el namysyn qorǵaýda.

Eske sala keteıik, budan buryn Elena Rybakınanyń jyldyń qorytyndy týrnırinde álemniń 1-raketkasyn jeńgenin jazǵan bolatynbyz.

Sondaı-aq Elena Rybakına aldaǵy jyly «Úlken dýlyǵa» týrnırin jeńip alýdan úmitti.