Qazaqstandyq shahmatshy blıtsten jastar arasynda álem chempıony atandy

<p>Italııanyń Pýla qalasynda shahmattan 20 jasqa deıingiler arasynda álem chempıonaty máresine jetti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Sportty damytý dırektsııasynan málim etkendeı, Ksenııa Balabaeva blıtsten chempıon atansa, Ámına Qaıyrbekova kúmis júldege ıe boldy.

Qazaqstandyq qos shahmatshy 8,5 upaıdan jınap, jarysty teń aıaqtady. Tek qosymsha kórsetkishter boıynsha Ksenııa basymdyqqa ıe bolyp, altynnan alqa taqty. Birneshe kún buryn rapıdte chempıon bolǵan Govhar Beıdýllaeva (Ázerbaıjan) bul joly 7,5 balmen qolany qanaǵat tutty. Taǵy bir shahmatshymyz Lııa Qurmanǵalıeva júldege bir qadam jetpeı toqtasa (7 ball), Zeınep Sultanbek 6-shy (6,5 ball), Nazerke Nurǵalı 7-orynǵa (6,5 ball) taban tiredi.

Blıtsten erler arasynda ázerbaıjandyq Magomed Mýradlı qarsylas shaq keltirgen joq. Ol múmkin bolǵan 11 upaıdyń 9,5-in jınady. Kúmis budan buryn rapıdte top jarǵan úndistandyq Raýnak Sadhvanıdiń enshisinde. Ulttyq qurama grossmeısteri Arystan Isanjýlov sheshýshi týrda Arsenıı Nesterovpen teń oınap, úzdik úshtikti túıindedi. Taǵy bir shahmatshymyz Ábilmansur Ábdilqaıyr jalpy esepte 39 oıynshynyń ishinde 15-satyǵa turaqtady.

Al shahmattyń rapıd túrinde Ksenııa Balabaeva ekinshi, Zeınep Sultanbek úshinshi orynǵa qol jetkizdi. 

Foto: Sportty damytý dırektsııasy