Qazaqstandyq samboshylar álem chempıonatynda taǵy úsh medal jeńip aldy

<p>Sambodan Erevan qalasynda ótip jatqan álem chempıonatynda Qazaqstan quramasy taǵy úsh medal jeńip aldy, dep habarlaıdy <a href="Kazinform." target="_blank" rel="noopener">Kazinform.</a></p>

Elaman Qoıshybaev 88 kg salmaqta fınalǵa deıin súrinbeı jetti. 

Qyrkúıek aıynda álem kýboginde jeńimpaz atanǵan Elaman jartylaı fınalda dúnıejúzilik chempıonattyń qola júldegeri, ırandyq Seıed Saedımanadıdi 5:1 esebimen tize búktirdi. Alaıda sońǵy básekede qyrǵyz balýany Jamalbek Asylbek ýýlýyna 0:2 esebimen jol berdi. 

Sondaı-aq Arnur Qýataı (71 kg) men Shynar Abatova (72 kg) qola júldege ıe boldy. 

Osylaısha, eki kúnniń qorytyndysy boıynsha Qazaqstan quramasy 2 kúmis, 3 qola júldemen jalpy esepte 8-orynda tur.

Jeksenbi, jarystyń sońǵy kúni 7 salmaq dárejesi boıynsha jeńimpaz-júldegerler anyqtalady.

Eske sala keteıik, budan buryn sambodan álem chempıonatynda alǵashqy kúni Qazaqstan qorjynyna qos medal túskenin jazǵan bolatynbyz.