Qazaqstandyq porttarda iri teńiz kólik-logıstıkalyq klasteri qurylady
Keshendi jospardyń aıasynda Mańǵystaýdaǵy Aqtaý men Quryq porttarynyń bazasynda iri teńiz kólik-logıstıkalyq klasterin qurý kózdelgen. Bul konteınerlerdi ótkizý qabiletin arttyryp, júkterdi aýystyryp tıeý termınaldaryn damytýǵa múmkindik beredi. Sondaı-aq, ákimshilik kedergiler azaıady.
Quryq porty – Qazaqstan men Baký porttaryn baılanystyryp turǵan teńiz aılaǵy. Termınal arqyly munaı ónimderi, metal, dándi daqyldar, halyq tutynatyn taýarlar men kólikter tasymaldanyp jatyr. Bıyl jyl basynan beri 700 myń tonnaǵa jýyq júk ótkizildi. Qazir portta transkaspıı halyqaralyq kólik baǵytyn damytý boıynsha birqatar joba iske asyp jatyr. Sondaı-aq teńiz akvatorııasyn tereńdetý jumystary júrgiziledi.
«Qazirgi ýaqytta teńiz túbin tereńdetý jumystaryn júrgizetin kompanııa anyqtaldy. Bul osy saladaǵy kóshbasshy – ıAn de Nýl kompanııasy. Atalǵan jumystar maýsym aıynda bastalyp, jumystar porttyń barlyq akvatorııasynda júrgiziletin bolady. Bul port akvatorııasynda qosymsha 5 aılaq qurýǵa múmkindik beredi», - deıdi Quryq portynyń sektor basshysy Aıtqalı Nurmaǵanbetov.
Al Aqtaý teńiz portynda konteınerlik hab salynady. Jobany 2025 jyldyń sońyna deıin aıaqtaý kózdelip otyr. Joba quny – 43 mlrd 462 mln teńge.
«Konteınerlik hab – birlesken joba. Qazirgi ýaqytta korporatıvtik is-sharalar júrgizilip jatyr Ony Aqtaý teńiz saýda porty, qazaqstandyq mýltımodaldyq logıstıka kompanııasy men qytaılyq «Lıanıýngan» porty júzege asyrady. Hab Aqtaý sý aılaǵy arqyly 2025 jyly 92 myń, al 2034 jyly 200-300 konteıner qabyldap, jóneltýge múmkindik beredi dep josparlanǵan», - deıdi Aqtaý teńiz saýda portynyń jetekshi mamany Talǵat Nagýmanov.
Teńizdiń deńgeıiniń túsýi Aqtaý portynyń da jumysyna kedergi keltirmek. Sondyqtan bul aılaqta da teńiz túbin tereńdetý jumysary júrgiziledi. Ol úshin geologııalyq barlaý jasalyp, jobalyq-smetalyq qujaty ázirlenip jatyr.
Porttardaǵy jobalardyń negizgi úlesi jeke ınvestıtsııalar esebinen salynady. Boljam boıynsha 2028 jylǵa deıin porttardyń ótkizý qabileti 50 paıyzǵa artady. Al konteınerlerdi ótkizý qabileti 3 ese joǵarylaıdy.