Qazaqstandyq oqýshylar osy oqý jylynda neshe kún demalady

<p>Oqý-aǵartý mınıstrligi orta bilim berý uıymdarynda 2023&ndash;2024 oqý jylynyń bastalý merzimin, uzaqtyǵyn jáne kanıkýl kezeńderin bekitti, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

"Orta bilim berý uıymdarynda 2023-2024 oqý jyly 1 qyrkúıekte bastaldy, 25 mamyrda aıaqtalady. Birinshi toqsanda oqý ýaqyty 8 apta, kúzgi kanıkýl 30 qazannan 5 qarashany qosa alǵanda 7 kúnge sozylady.

Ekinshi toqsanda 8 oqý aptasy, qysqy kanıkýl 2023 jyldyń 29 jeltoqsanynda bastalady, 2024 jyldyń 7 qańtaryn qosa alǵanda kúntizbelik 10 kúnge jalǵasady.

Úshinshi toqsan 10 oqý aptasynan turady. 11 kúndik kóktemgi kanıkýl 2024 jyldyń 21 naýryzynda bastalyp, 31 naýryzǵa (qosa alǵanda) deıin jalǵasady", - dep jazdy mınıstrlikten.

Aıta keteıik, jyl saıyn birinshi synyp oqýshylary úshin úshinshi toqsanda qosymsha demalystar beriledi, uzaqtyǵy 7 kún – 2024 jyldyń 5 aqpanynan 11 aqpanǵa (qosa alǵanda) deıingi ýaqytty qamtıdy.

Tórtinshi toqsannyń uzaqtyǵy 8 oqý aptasyn quraıdy. Sondaı-aq 25 mamyrda qorytyndy shyǵarylyp, oqý jyly aıaqtalady.