Qazaqstandyq oqýshylar qaı kúnderi qysqy demalysqa shyǵady

<p>Qazaqstandyq mektepterde ekinshi toqsan aıaqtalyp qaldy. Qysqy demalys 2023 jyldyń 29 jeltoqsanynan 2024 jyldyń 7 qańtaryn qosa alǵanda 10 kúnge sozylady, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform</a> Oqý-aǵartý mınıstrliginiń baspasóz qyzmetine silteme jasap.</p>

Oqý-aǵartý mınıstrligi mektep oqýshylarynyń qysqy demalysyn jáne bos ýaqytyn tıimdi, ári tulǵalyq damytý maqsatynda mektepishilik qysqy kanıkýl is-sharalarynyń josparyn ázirleýde «Birtutas tárbıe baǵdarlamasyn» negizge alýdy usynady.

Mektepishilik is-shara josparyna ǵylymı joba jumystary mazmuny týraly aqparattyq-tanymdyq sabaqtar uıymdastyrýda joǵary synyp oqýshylary men ata-analar birlesip, JOO oqytýshylarymen kezdesý, ǵylymı joba týraly suhbat júrgizý engizilgen.

«Balalar kitaphanasy» jobasy aıasynda – «Únemi oqıtyn adam – tabysty adam» taqyrybynda oqyrmandarmen kezdesý, oqyǵan kitaptary týraly talqylaý bar.

«Ulttyq mektep lıgasy» jobasy negizinde – bilim alýshylardyń densaýlyǵy men ál-aýqatyn nyǵaıtýda bilim uıymdarymen birlese «Ulttyq oıyn – ult qazynasy» sporttyq oıyndar ótkizýge bolady.

«Oqýǵa qushtar mektep» jobasynda – «Men oqyǵan bir ertegi», «Parasattylyq týraly» taqyryptarynda bilim alýshylarmen áńgimelesý;

«Ata-analar mektebi» jobasyn oryndaýda mınıstrlik – «Qyz namysy – ult namysy», «Ákeńniń tórine senbe, etken eńbegine sen», «Otbasylyq talanttar» taqyryptarynda ata-analar jınalystaryn ótkizýdi usynady.

«Quqyqtyq saýattylyq pen quqyqtyq mádenıetti qalyptastyrý boıynsha is-sharalar uıymdastyrý usynylady. Atap óteıik, atalǵan is-sharalar bilim berý uıymdaryna ádistemelik usynym retinde jiberiledi», - dep jazylǵan mınıstrlik habarlamasynda.