Qazaqstandyq oqýshylar hımııa olımpıadasynan eki altyn, kúmis jáne qola medal jeńip aldy

<p>ASTANA. KAZINFORM &mdash; Saýd Arabııasynda IChO-2024 hımııadan 56-shi halyqaralyq olımpıada óz máresine jetti. Bizdiń barlyq oqýshymyz júldeli oryn ıelendi, onyń ekeýi &mdash; eń joǵarǵy marapat, dep habarlaıdy Oqý-aǵartý mınıstrligi &laquo;Daryn&raquo; ortalyǵyna silteme jasap.</p>

International Chemistry Olympiad dúnıejúzilik eń bedeldi top-7 olımpıadanyń qataryna kiredi.

Foto: Oqý-aǵartý mınıstrligi

Bizdiń qurama úshinshi jyl qatarynan joǵary nátıje kórsetip keledi.

Bıyl jas hımıkter qos altyn, bir kúmis jáne bir qola medal ıelenip, 100% nátıje kórsetti. 

• Rınat Ilıýsızov — Pavlodar qalasynyń daryndy balalarǵa arnalǵan № 8 lıtseı-mektebiniń 11 synyp oqýshysy;
• Kırıll Kım — Astana qalasyndaǵy fızıka-matematıka baǵytyndaǵy NZM 11-synyp oqýshysy;
• Abylaı Kabdýlhadyr — Astana qalasyndaǵy fızıka-matematıka baǵytyndaǵy NZM 11-synyp oqýshysy;
• Ádiljan Moldaǵul —Aqtaý qalasy, «Bilim-ınnovatsııa» lıtseı-ınternatynyń 11-synyp oqýshysy.

Foto: Oqý-aǵartý mınıstrligi

Qazaqstan qurama komandasynyń jetekshileri: Azamat Jaqsylyqov jáne Sanjar Begdaıyr — respýblıkalyq, halyqaralyq olımpıadalardyń birneshe dúrkin jeńimpazdary. 

Aıta ketsek, QR Oqý-aǵartý mınıstrliginiń qoldaýymen qurama komanda músheleri birneshe respýblıkalyq jáne halyqaralyq oqý-jattyǵý jıyndaryna qatysyp, 2024 jylǵy Eýropa jáne Dúnıejúzilik olımpıadalarda 100% nátıje kórsete bildi.

Halyqaralyq iri olımpıadalarda jeńiske jetken oqýshylarǵa elimizdiń joǵary oqý oryndaryna konkýrstan tys grantpen oqýǵa túsýge múmkindik beriledi.

Foto: Oqý-aǵartý mınıstrligi