Qazaqstandyq oqýshylar Balqan túbegindegi eń myqty jas matematıkterdiń úshtigine kirdi

<p>ASTANA. KAZINFORM &mdash; Bolgarııanyń Varna qalasynda matematıkadan 41-shi Balqan olımpıadasy (BMO) aıaqtaldy. Oǵan 22 elden 130-dan astam oqýshy qatysty. Bilim dodasynda oqýshylarymyz jalpy komandalyq úshinshi oryndy jeńip aldy. Bul týraly Oqý-aǵartý mınıstrliginiń baspasóz qyzmeti málimdedi.</p>

🏆 Ulttyq qurama qorjynynda 1 altyn, 2 kúmis jáne 3 qola bar.

🥇 Jan Daýtov — Qostanaı qalasyndaǵy «Bilim-ınnovatsııa» mektep-lıtseıiniń 10 synyp oqýshysy;

🥈 Ámirlan Amanjolov — Almaty qalasyndaǵy RFMM 10 synyp oqýshysy;

🥈 Mıron ıÝrkevıch — Almaty qalasyndaǵy Haileybury Almaty halyqaralyq mektebiniń 12 synyp oqýshysy;

🥉 Marǵulan Sharel — Taraz qalasyndaǵy «Bilim-ınnovatsııa» mektep-lıtseıiniń 10 synyp oqýshysy;

🥉 Tımýr Murat — Almaty qalasyndaǵy RFMM 10 synyp oqýshysy;

🥉 Ámir Sahıpov – Almaty qalasyndaǵy RFMM 10 synyp oqýshysy.

Jetekshileri – PhD doktory, professor, KBTU-niń akademııalyq suraqtar jónindegi prorektory Asylbek Isahov jáne matematıkadan respýblıkalyq, halyqaralyq olımpıadalardyń júldegeri Qanat Satylhanov. 

Foto: Oqý-aǵartý mınıstrligi

Aıta ketsek, Qazaqstan qurama komandasynyń matematıkadan 41-shi Balqan olımpıadasyna qatysý arqyly osy jyldyń 11-24 shilde aralyǵynda Ulybrıtanııada ótetin matematıkadan halyqaralyq olımpıadaǵa (IMO) daıyndalyp, tájirıbe jınaıtyn bolady.