Qazaqstandyq oqýshylar 2025 jyly Londonda ótetin Halyqaralyq tarıh olımpıadasyna qatysady

<p>ASTANA. KAZINFORM &ndash; Búgin elordada Respýblıkalyq tarıh olımpıdasynyń aqtyq máresi ótip jatyr. Ziyatker jastar uıymy uıymdastyrǵan bilimdiler baıqaýynda top jarǵandar 2025 jyly Londonda ótetin Halyqaralyq tarıh olımpıadasyna qatysady.</p>

Respýblıkalyq olıpıadaǵa elimizdiń barlyq óńirinen 8-12 synyptyń 1 000-nan astam oqýshysy qatysqan bolatyn. Eki kezeńnen keıin úzdik 30 oqýshy aqtyq synǵa shyǵyp otyr.

Іs-shara uıymdastyrýshylarynyń aıtýynsha, bilim saıysy tarıhqa áýes talanatty oqýshylardy qoldaý, sonymen qatar halyqaralyq olımpıadaǵa qatysatyn Qazaqstan qurama komandasyn jasaqtaý úshin ótkizilip jatyr.

«Jastarymyzdyń bolashaǵy óte zor. Bizde túrli baǵytta óz-ózin damytyp, respýblıkalyq, sondaı-aq halyqaralyq olımpıadalarda tań qalarlyq nátıjelerge qol jetkizip júrgen aqyldy balalar bar. Olarǵa qoldaý kórsetý, qoǵam, sonymen qatar memleket tarapynan yntalandyrý bolýy tıis. Óıtkeni, olardyń elimizdiń zııatkerlik negizi», - dedi olımpıada uıymdastyrýshysy Aıanat Jambylova.

Londondaǵy Halyqaralyq tarıh olımpıadasy túrli eldiń oqýshylary arasynda tájirıbe almasý úshin mańyzdy platforma bolmaq. Osy saıys Qazaqstan oqýshylary da joǵary bilim men daǵdylaryn kórsete alady. Álemdik órkenıetter tarıhyna, Qazaqstannyń halyqaralyq arenadaǵy róline, sondaı-aq álemdik qoǵamdastyq aldynda turǵan zamanaýı syn-qaterlerge erekshe nazar aýdarylady.

«Tarıh – bul ótkeniń týraly ǵylym ǵana emes, sonymen birge qazirgi men bolashaqty túsiný quraly», - dedi ol.