Qazaqstandyq oqýshy klassıkalyq shahmattan oqýshylar arasynda álem chempıony atandy

<p>ASTANA. KAZINFORM - Klassıkalyq shahmattan oqýshylar arasynda Perý astanasy Lımada 2024 jylǵy álem chempıonaty ótti. Astanalyq Aıarý Altynbek 13 jasqa deıingi oqýshylar arasynda altyn medaldi jeńip aldy, dep jazdy elorda ákimdiginiń resmı saıty.</p>

Elordadaǵy №9 «Zerde» mamandandyrylǵan lıtseıiniń oqýshysy jarystyń aıaqtalýyna bir týr qalǵanda, merziminen buryn jeńiske jetti.

«Eń joǵary reıtıngtik upaıy (1868) bar shahmatshy sońǵy týrdy sátti aıaqtap, 9 partııadan 8,5 upaı jınady. Sóıtip, kúmis júldegerden 1,5 upaıǵa uzap ketti. Aıarý qazirgi kezde grossmeıster Anton Fılıppovpen birge jattyǵady», - dedi Qazaqstan shahmat federatsııasynyń baspasóz qyzmeti.

Oqýshylar arasynda klassıkalyq shahmattan 2024 jyly álem chempıonaty (bir partııaǵa 90 mınýt jáne qosymsha ár júris úshin 30 sekýnd beriledi) shveıtsarııalyq júıe (9 týr) boıynsha 7-den 17 jasqa deıingiler arasynda bozbalalar (Open) jene qyzdar (Girls) arasynda bólek ótkizildi. 

Foto: gov.kz

Birinshiliktiń ashylý rásimi 1 mamyrda Regional Sports Village of Callao ǵımaratynda bolyp, oǵan Perý sport ınstıtýtynyń (IPD) dırektory Gıdo Flores jane Perý Bilim mınıstri Morgan Kero qatysty. Chempıonatqa Perý, Qazaqstan, Ekvador, Bolıvııa, Meksıka, Kolýmbııa jane Mońǵolııany qosqanda, 26 elden 1174 jas shahmatshy qatysty. 

Foto: gov.kz

Aıarý Altynbek – 6-synyptyń úzdik oqýshysy.