Qazaqstandyq munaı ótetin «Drýjbada» aqaý shyqty

<p>ASTANA.KAZINFORM &mdash; Pnevy qalasynyń mańynda janarmaı aǵyp ketti, dep habarlady Velkopolsk voevodstvosynyń memlekettik órtke qarsy qyzmetiniń baspasóz hatshysy Martın Halash, dep jazady TASS.</p>

Janarmaıdyń aǵýy «Drýjba» qubyrynyń Polshanyń batysyndaǵy Pnevy qalasynyń mańyndaǵy ýchaskesinde boldy. Oqıǵa kezinde órt nemese jarylys qaýpi tirkelgen joq.

Onyń aıtýynsha, oqıǵa jeksenbi kúni tańerteń bolǵan. Sebebi áli anyqtalǵan joq. Janarmaı quıý beketteriniń biri men qonaqúı mańynda qatty gaz ıisi shyqqan.

- Tergeý barysynda munaıǵa uqsas zattyń tógilgeni anyqtaldy. Bul aýmaq arqyly «Drýjba» qubyry ótýi múmkin. PERN («Drýjba» qubyryna qyzmet kórsetetin polıak kompanııasy — TASS eskertpesi) kompanııasymen baılanys ornatyldy, kompanııa sorǵylyq qosalqy stantsııalardyń birin aldyn ala toqtatty, — dedi Halash.

QR Energetıka mınıstrligi jaǵdaıǵa baılanysty jaqyn arada túsinik beretinin málimdedi.

Aıta keteıik, qazaqstandyq munaı eksporty dástúrli túrde Reseı aýmaǵy arqyly Kaspıı qubyr konsortsıýmynyń Novorossııskige deıingi qubyr júıesi arqyly júzege asyryldy. Reseı men Polsha arqyly Germanııaǵa «Drýjba» qubyry arqyly jetkizý 2023 jyldyń aqpan aıynyń sońynda bastaldy. Qazaqstan munaıy qýattylyǵy 2 mln barrel qubyrdyń soltústik tarmaǵy arqyly ótedi.

Buǵan deıin eldiń Energetıka mınıstrligi Qazaqstan 2024 jyldy Germanııaǵa «Drýjba» qubyry arqyly 1,4 mıllıon tonna munaı jetkizý boljamymen aıaqtaıtynyn habarlaǵan.

Eýropaǵa munaı jetkizý tizbegi qalaı usynylatyny «QazAqparat» agenttiginiń menshikti tilshisiniń materıalynda.