Qazaqstandyq muǵalim álemdik juldyz Rosalia-men hıt jazbaqshy

<p>ASTANA. KAZINFORM &mdash; Qazaqstandyq bıtmeıker Eraholic (Abaı oblysyndaǵy bıologııa pániniń muǵalimi Erqanat Sadýhanov) halyqaralyq ártister jobasynda mýzykalyq mansap jasamaqshy. Dual Line-men sátti yntymaqtastyqtan keıin Eraholic búrkenshik atymen tanymal bıtmeıker ıspandyq juldyz Rosalia-dan jumys isteýge shaqyrtý aldy.</p>

Onyń aıtýynsha, oǵan «Bizcochito» jáne «Despecha» hıt ánderiniń oryndaýshysy ózi habarlasqan. Jeke áńgimede ol usynysty qabyldaǵanyn, biraq kelisimshartqa qol qoıý protsesi uzaqqa sozylýy múmkin ekenin aıtty.

Photo: @rosalia.vt

— Rozalııa ıspan tildi ánshi bolǵandyqtan, ánimiz latyn motıvimen, dálirek aıtsaq, reggıton janrynda bolýy ábden múmkin. Bul janr Qazaqstanǵa endi ǵana enip jatyr deýge bolady», - dedi ol.

Rozalııa — 80-nen astam túrli mýzykalyq marapattarǵa ıe ıspan ánshisi. Olardyń ishindegi eń mańyzdysy - eki Gremmı músinshesi. Spotify profılinde ártistiń aı saıyn 24,5 mıllıonǵa jýyq tyńdaýshysy bar, al eń tanymal trek — Despecha bir mıllıardtan astam tyńdaý jınady.