Qazaqstandyq mobılograftar New York Film Academy-da oqýyn bastady
Amerıkandyq kıno óndirisi men 3D anımatsııany jan-jaqty oqytý boıynsha jetekshi JOO birinde qazaqstandyqtarǵa túsirilim protsesiniń tehnologııalary týraly baıandalady
Smartfonnyń tehnıkalyq múmkindikterine aýysqan klassıkalyq túsirilim standarttary kınoda birneshe jyldan beri qoldanylyp keledi.
Oqý baǵdarlamasy kúrdeli, onda qatarynan birneshe pán oqytylady. Jobanyń eń jas qatysýshylarynyń biri — Myrzabek Qýatbaı nebári 18 jasta. Ol alǵashqy oqý kúninen alǵan áserimen bólisti.
«Mıldik jol shaǵyn qadamdardan bastalady. Alǵashqy qadamdy da jasadyq, men tabysqa jetetinime senimdimin!», — degen Myrzabek ózi oqyǵan qysqa oqıǵalar standarty talap etkendeı, jaǵdaıyn qysqa, astarly, biraq emotsıonaldy túrde sýrettep berdi.
Qazaqstandyqtar rejısser, akter, stsenarııshi, prodıýser, operator, fotograf jáne beıneoıyn dızaınerlerin daıyndaıtyn AQSh-tyń jetekshi ýnıversıteti New York Film Academy qabyrǵasynda uıaly telefonǵa túsirý men montajdaýdyń kásibı standarttaryn úırenetin bolady.
Ýnıversıtettiń negizin qalaýshy — Gollıvýd prodıýseri Djerrı Sherlok. Onyń negizgi qaǵıdasy bylaı tujyrymdalǵan: kıne ónerine tájirıbe arqyly úıretý.
Saparbek Jaqsylyqtyń aıtýynsha, kýrs rejıssýranyń qyr-syryn, qol kameralarynyń tehnıkalyq sıpattamalaryn, túsirý, montajdaý kezeńderin úırenýden bastaldy.
«NYFA — men bilim alyp júrgen tórtinshi resmı ýnıversıtet. Múndaǵy bilim sapasy men ustazdardyń sabaqty shabyttanyp oqytýǵa degen umtylysy qýantady. Joǵary deńgeıdegi kınotehnologııalarmen tanysý jáne olarmen jumys isteý mamandyqqa degen qyzyǵýshylyqty arttyrady. Osy múmkindik úshin „Dara“ qoryna alǵys aıtamyn, óıtkeni NYFA-da bilim alý maǵan qol jetkizý qıyn arman sııaqty kórindi», — dedi Saparbek Jaqsylyq.
Jobanyń ambassadory Ashat Shynalıev festıvaldiń bastalýy, oǵan ótinim qabyldaý jáne baqytty «jıyrmalyqtyń» tańdalýy týraly eske alǵanda qatysýshylar tarapynan mundaı qyzyǵýshylyqtyń artatynyn jáne jeńimpaz jumystardyń osynshama joǵary deńgeıde bolatynyn kútpegenin aıtty.
Beıneótinimdi 16 men 40 jas aralyǵyndaǵy 7 myńnan astam mobılograf jibergen. Geografııasy búkil Qazaqstandy qamtıdy. 100 jumys jobanyń sońǵy kezeńine ótti. 40 fınalıst aqshalaı syılyqqa ıe boldy, 40 qatysýshy mobılografııanyń onlaın kýrsyn aıaqtady, al úzdik jumystardyń 20 avtory Nıý-Iork kınoakademııasynda oqýǵa múmkindik aldy. Bul — jobanyń sońǵy kezeńi.
«Búgin — oqyp júrgenimizge ekinshi kún. Editing day — montajdaý sabaǵy. Sabaq barysynda biz kóp aqparat alamyz, kóp nárseni qate túsiretinimiz belgili boldy jáne bul jerde fılmdi naqty qalaı túsirý, óńdeý kerektigi tolyq kórsetilgen. Eshbir elde bolmaǵan jobaǵa qatysýǵa múmkindik bergen „Dara“ qoryna alǵys aıtamyn, osyndaı jobalar kóp bolǵanyn qalaımyn. Al fınalısterimiz jobany aıaqtaǵannan keıin Qazaqstandaǵy kreatıvti ındýstrııanyń damýyna áser etip, bilimderimen bólisip, mobılografııany jeke salaǵa aınaldyryp, basqalarǵa áser etedi dep tileımin», — dedi Ashat Shynalıev.
«Dara» Prezıdenttik bastamalar qorynyń jetekshisi Ásel Shildebaevanyń pikirinshe, joba óz mıssııasyn oryndady. Respýblıkalyq mobılograftar baıqaýy úsh máseleni sheshti: shyǵarmashylyq mamandyqtardy tanymal etý, talanttardy qoldaý jáne jeke qabiletin iske asyrýǵa múmkindik berý.