Qazaqstandyq mergen Marııa Dmıtrenko álem kýbogynda altyn medal oljalady

<p>KAIR. KAZINFORM - Oq atýdan Kaırde (Mysyr) ótip jatqan álem kýbogynyń kezeńinde Qazaqstan quramasynyń qorjynyna altyn medal tústi.</p>

Atap aıtsaq, «Trap» baǵdarlamasy boıynsha synǵa túsken Marııa Dmıtrenko top barlyq qarsylastaryn basyp ozyp, jeńis tuǵyrynyń eń bıik satysynan kórindi.

Altyn júlde úshin ótken tartysty saıysta 35 jastaǵy otandasymyz 40 upaı enshilep, Tokıo Olımpıadasynyń chempıony, 2 dúrkin álem chempıony Fatıma Galvez jáne Tokıo Olımpıadasynyń 2 márte júldegeri Alessandra Perıllıdi basyp ozdy.

Bul — Marııa Dmıtrenkonyń alǵashqy iri jetistigi emes, ol osyǵan deıin álem kýbogy kezeńderinde eki ret altyn (2023, 2024), eki ret kúmis (2021, 2023), úsh ret qola (2021, 2022) medal enshilegen.

Bul — qazaqstandyqtardyń Kaırde jeńip alǵan úshinshi júldesi.

Osyǵan deıin taǵy eki qola medal alǵanyn jazǵan bolatynbyz 

Aıta keteıik, Mysyrda uıymdastyrylyp jatqan týrnırde álemniń 65 elinen 700 surmergen baq synaýda.

Jarys 1 aqpanǵa deıin jalǵasady.