Qazaqstandyq mergen Əlem kýbogynda kúmis júlde jeńip aldy

<p>KAIR. KAZINFORM &mdash; Qazaqstandyq mergen Nıkıta Chırıýkın Kaırde ótip jatqan Əlem kýbogynyń kúmis júldegeri atandy.</p>

Sportty damytý dırektsııasy málim etkendeı, ol 25 metrden tapanshamen jyldam nysana kózdeýde tek Ońtústik Koreıa sportshysy Son Jýn Hoǵa ese jiberdi.

Nıkıtanyń enshisinde 31, al jeńimpazda 37 upaı. Qola júlde alǵan Florıan Peter (Germanııa) 27 ret dóp tıgizdi.

Bul Ulttyq qurama mergenderi Mysyrda qol jetkizgen 4-medal (1 altyn, 1 kúmis, 2 qola).

Bul reıtıngtik Álem kýbogynda 66 memleketten jınalǵan 678 surmergen 10 júlde jıyntyǵyn sarapqa salyp jatyr.